Laiholh

How to vote correctly (Hakha Chin)

Video transcript

Halo, ka min cu Van Ta Mang a si. Keimah cu Demokari Ai-awhtu ka si.

Victoria Thimnak lei Komisin caah rian ka tuan.

Victoria Pine thimnak cu Sikpar (November) ah a si. Na meethlakmi rel piak dingah, na mee catlap pawl kha hmaan tein na lim hrimhrim lai.

Meethlaknak hmun ah, mee catlap pahnih na ngah lai.

Ahme deuhmi kha Amyotha Hluttaw (Lower House) caah a si.

Angan deuhmi kha Pyithu Hluttaw (Upper House) caah a si.

Amyotha Hluttaw (Lower House) in thawk hna usih. Meethlak tikah nambar pawl kha hmang.

na thimmi kuang pawl dihlak kha nambar pe.

thim ding na duh bikmi min aa pemi kam ah nambar 1 kha chia.

pahnihnak na thimmi min aa pemi kam ah nambar 2 kha chia.

pathumnak na thimmi min aa pemi kam ah nambar 3 kha chia law hi tibantuk in adangdang zong.

kuang pakhat cio kha nambar na pek hrimhrim lai.

Pyithu Hluttaw (Upper House) caah meethlak dingin, lam hnih na ngei:

Lam 1 nak – Catlang Acung ah

Tei dingah na duhpiak bikmi pati asilole phu kam i kuang chungah nambar 1 kha sanh. Hihi na tuah ahcun, pati asilole phu na thimmi nih min aa pemi aho nih dah na meethlakmi a ngah lai ti kha bia an khiah lai.

Cu hnu ah naa lim cang.

ASILOLE

Lam 2 nak – Nangmah caah pati asilole phu nih tuahpiak ai-ah nangmah tein min aa pemi pawl thim na duh ahcun, catlang atang ah meethla:

naa thimmi caah a tlawmbik kuang 5 nambar na pek hrimhrim lai.

tei dingah na duhpiak bikmi min aa pemi kam ah nambar 1 chia.

pahnihnak na thimmi min aa pemi kam ah nambar 2 kha chia.

pathumnak na thimmi min aa pemi kam ah nambar 3 kha chia.

palinak na thimmi min aa pemi kam ah nambar 4 kha chia.

panganak na thimmi min aa pemi kam ah nambar 5 kha chia.

Na duh ahcun, nambar pakhat kha kuang tamdeuh asilole a dihlak ah na pehzulh khawh.

Na mee catlap kha a pahnih ning in na lim tikah, pakhat cio caah mee kuang chungah na sanh a hau.

Mah meethlak ni ah bawmhnak pakhat khat na herh ahcun, nangmah bawmh dingin innchungkhar chungtel asilole hawikom na rak ratpi khawh.

Mee pek ning kong ah biahal awk na ngeih ahcun, zaangfahnak in holhlettu riantuanpiaknak nambar 9209 0112 kha chawn asilole kan website vec.vic.gov.au ah zoh law holhlettu logo kha thim.

Victoria Pine thimnak cu Sikpar (November) ah tuah a si lai. Australia rammi sinak a ngeimi lawng nih thimnak ah mee thlak khawh a si.

Meethlak dingah minkhumhnak naa tuah ahcun, mee na thlak hrimhrim lai.