Tamil

How to vote correctly (Tamil)

Video transcript

வணக்கம், என் பெயர் (பெயர்).நான் ஒரு (ஜனநாயத் தூதர்/பொறுப்பு ஊழியர்).

நான் விக்டோரியத் தேர்தல் ஆணையத்தில் பணியாற்றுகிறேன்.

விக்டோரியா மாநிலத் தேர்தல் நவம்பர் மாதம் நடக்கவுள்ளது. உங்கள் வாக்கு எண்ணப்பட வேண்டுமானால், உங்கள் வாக்குச்சீட்டுகளை நீங்கள் கட்டாயம் சரியாக நிரப்பியிருக்க வேண்டும்.

ஒரு வாக்களிப்பு மையத்தில், நீங்கள் இரண்டு வாக்குச் சீட்டுகளைப் பெறுவீர்கள்.

சிறியது கீழ் சபைக்கானது (Lower House).

பெரியது மேல் சபைக்கானது (Upper House).

நாம் கீழ் சபையில் இருந்து ஆரம்பிக்கலாம். வாக்களிக்கும்போது எண்களைப் பயன்படுத்தவும்.

அனைத்து சதுரங்களிலும் உங்கள் விருப்பப்படி நீங்கள் எண்களைக் குறிக்கவும்.

தேர்ந்தெடுக்கப்பட வேண்டுமென நீங்கள் அதிகபட்சம் விரும்பும் வேட்பாளருக்குப் பக்கத்தில், எண் 1 -ஐக் குறிக்கவும்.

உங்கள் இரண்டாவது விருப்பத்திற்குப் பக்கத்தில் எண் 2 -ஐக் குறிக்கவும்.

உங்கள் மூன்றாவது விருப்பத்திற்குப் பக்கத்தில் எண் 3 -ஐக் குறிக்கவும், மற்றும் அதுபோலத் தொடர்ந்து செய்யவும்.

ஒவ்வொரு சதுரத்திலும் நீங்கள் கட்டாயம் எண்ணைக் குறிக்க வேண்டும்.

மேல் சபைக்கு வாக்களிக்க, உங்களுக்கு இரண்டு வழிமுறைகள் உள்ளன:

வழிமுறை 1 - கோட்டுக்கு மேலே

வெற்றிபெற வேண்டுமென நீங்கள் அதிகபட்சம் விரும்பும் கட்சி அல்லது குழுவிற்குப் பக்கத்தில் உள்ள சதுரத்தில் நீங்கள் எண் 1 -ஐக் குறிக்கவும்.  நீங்கள் இதைச் செய்தால், உங்கள் வாக்கு எந்த வேட்பாளர்கள் பெற வேண்டும் என்பதை நீங்கள் தேர்ந்தெடுக்கும் கட்சி அல்லது குழு தீர்மானிக்கும்.

அவ்வளவுதான் உங்கள் வேலை முடிந்தது.

அல்லது.

வழிமுறை 2 – உங்கள் பொருட்டு கட்சி அல்லது குழு செய்வதற்குப் பதிலாக, நீங்களே வேட்பாளர்களைத் தேர்ந்தெடுக்க விரும்பினால், கோட்டுக்குக் கீழே வாக்களிக்கவும்:

உங்கள் விருப்பத்தின் வரிசைப்படி, குறைந்தபட்சம் 5 சதுரங்களில் நீங்கள் கட்டாயம் எண்களைக் குறிக்க வேண்டும்.

வெற்றிபெற வேண்டுமென நீங்கள் அதிகபட்சம் விரும்பும் வேட்பாளருக்குப் பக்கத்தில் உள்ள சதுரத்தில் நீங்கள் எண் 1 -ஐக் குறிக்கவும்.

உங்கள் இரண்டாவது விருப்பத்திற்குப் பக்கத்தில் எண் 2 -ஐக் குறிக்கவும்.

உங்கள் மூன்றாவது விருப்பத்திற்குப் பக்கத்தில் எண் 3 -ஐக் குறிக்கவும்.

உங்கள் நான்காவது விருப்பத்திற்குப் பக்கத்தில் எண் 4 -ஐக் குறிக்கவும்.

உங்கள் ஐந்தாவது விருப்பத்திற்குப் பக்கத்தில் எண் 5 -ஐக் குறிக்கவும்.

உங்களுக்கு விருப்பமிருந்தால், நீங்கள் மேலும் பல சதுரங்களிலோ அல்லது எல்லாவற்றிலுமோ எண்களைக் குறிப்பிடலாம்.

உங்கள் இரண்டு வாக்குச் சீட்டுகளையும் பூர்த்தி செய்த பிறகு, நீங்கள் அவற்றைத் தனித்தனியாக வாக்குப் பெட்டிகளில் போட வேண்டும்.

அந்த நாளில் உங்களுக்கு ஏதேனும் உதவி தேவைப்பட்டால், உங்களுக்கு உதவுவதற்கு ஒரு குடும்ப உறுப்பினரையோ அல்லது நண்பரையோ நீங்கள் அழைத்து வரலாம். நீங்கள் விக்டோரியத் தேர்தல் ஆணைய (VEC) ஊழியர் ஒருவரிடம் கூடக் கேட்கலாம்.

எப்படி வாக்களிப்பது என்பது குறித்து ஏதேனும் கேள்விகள் இருந்தால், தயவுசெய்து மொழிபெயர்த்துரைப்பாளர் சேவை எண்ணை 9209 0112 -இல் அழைக்கவும் அல்லது vec.vic.gov.au என்ற எங்கள் இணையதளத்துக்குச் சென்று, மொழிபெயர்த்துரைப்பாளர் சின்னத்தைத் தேர்ந்தெடுக்கவும்.

விக்டோரியா மாநிலத் தேர்தல் நவம்பர் மாதம் நடைபெறவுள்ளது. ஆஸ்திரேலியக் குடியுரிமை பெற்றவர்கள் மட்டுமே தேர்தலில் வாக்களிக்க முடியும். 

நீங்கள் வாக்களிக்கச் சேர்க்கைப் பதிவு செய்திருந்தால், நீங்கள் கட்டாயம் வாக்களிக்க வேண்டும்.