ကညီကျိာ်
ဘံးထိရံယၤကီၢ်စဲၣ် တၢ်ဟ့ၣ်တၢ်ဖးအမူးန့ၣ် တၢ်ကမၤအီၤဖဲ မုၢ်ဘူၣ် 28 သီ, လါနိၣ်ဝ့ဘၢၣ်န့ၣ်လီၤ.
မတၤကဘၣ်ဟ့ၣ်တၢ်ဖးလၢ ကီၢ်စဲၣ်တၢ်ဃုထၢအမူးန့ၣ်လဲၣ်.
ကီၢ်အီးစထြ့လယၤထံကီၢ်ဖိခဲလၢာ် လၢအသးနံၣ် 18 နံၣ်ဒီးအဖီခိၣ် လၢအိၣ်ဆိးလၢ ဘံးထိရံယၤကီၢ်စဲၣ်အပူၤန့ၣ် ကဘၣ်ဆဲးလီၤမံၤ ဒ်သိးကဟ့ၣ်တၢ်ဖးလၢ ဘံးထိရံယၤကီၢ်စဲၣ်တၢ်ဟ့ၣ်တၢ်ဖးအမူန့ၣ်လီၤ.
နမ့မ့ၢ် အီးစထြ့လယၤထံကီၢ်ဖိ ဘၣ်ဆၣ် နမ့ၢ်တဆဲးလီၤဘၣ်မံဒံးလၢ ကဟ့ၣ်တၢ်ဖးအဂီၢ်န့ၣ် နကဘၣ်ဆဲးလီၤမံၤတချုး ဟါ 8 နၣ်ရံၣ် ဖဲ မုၢ်ယူာ် 3 သီ လါနိၣ်ဝ့ဘၢၣ်န့ၣ်လီၤ.
ပှၤတဘျုးဂၤ ဆဲးလီၤမံၤလၢကဟ့ၣ်တၢ်ဖးအဂီၢ် ဖဲတၢ်ကဲထံဖိကီၢ်ဖိတၢ်ရဲၣ်တၢ်ကျဲၤအမူးန့ၣ်လီၤ. မ့ၢ်နဆဲးလီၤမံၤဝံၤလံဧါ တဝံၤဒံးဧါန့ၣ် မ့ၢ်နတသ့ၣ်ညါဘၣ်ဧါ. နကိးပှၤလီတဲစိသူလၢ 03 9209 0112 လၢနကသံကွၢ်သံဒိးအဂီၢ်န့ၣ်လီၤ.
ဆဲးလီၤမံၤလၢ ကဟ့ၣ်တၢ်ဖးအဂီၢ်
န ဆဲးလီၤမံၤလၢ ကဟ့ၣ်တၢ်ဖးလၢဆဲးကျိးန့ၢ်တီၤ (အဲကလံးကျိာ်) မ့ၢ်ဂ့ၤ နကွၢ်ဃုလံာ်လဲၢ်လၢတၢ်ကွဲးကျိာ်ထံဃာ် ဒ်သိးကမၤစၢၤနၤအဂီၢ်လၢ Australian Electoral Commission (AEC)အအိၣ်မ့ၢ်ဂ့ၤ သ့န့ၣ်လီၤ.
နမ့ၢ်လဲၤပူၤကွံာ် တၢ်ဆဲးလီၤမံၤအဆၢကတီၢ်စဲၤခံကတၢၢ် (8 နၣ်ရံၣ် ဖဲ မုၢ်ယူာ် 3 သီ လါနိၣ်ဝ့ဘၢၣ်န့ၣ်), နမံၤတမ့ၢ်ကအိၣ်လၢ စရီအပူၤလၢ တၢ်ဟ့ၣ်တၢ်ဖးလီၢ်ခၢၣ်သးဘၣ်. နတဲဘၣ် တၢ်ဟ့ၣ်တၢ်ဖးအပှၤမၤတၢ်ဖိသ့လၢ နအဲၣ်ဒိးဆဲးလီၤမံၤဒီး ဟ့ၣ်တၢ်ဖးလၢ တၢ်ဟ့ၣ်တၢ်ဖးလီၢ်ခၢၣ်သးန့ၣ်လီၤ. အဝဲသ့ၣ်ကမၤစၢၤနၤလၢ နကကွဲးနုာ်မၤပှဲၤလံာ်ကွီၣ်ဒိန့ၣ်လီၤ.
သမံသမိးကွၢ် မ့တမ့ၢ် မၤသီထီၣ်နတၢ်ဂ့ၢ်ဆံးကိာ်လီၤတံၢ်တဖၣ်
ဖဲနအိၣ်လၢ တၢ်ဟ့ၣ်တၢ်ဖးစရီအပူၤတဘျီဃီန့ၣ် နကဘၣ်မၤသီထီၣ်ဃာ် နတၢ်ဂ့ၢ်တၢ်ကျိၤတဖၣ်န့ၣ်လီၤ. ဖဲနသုးနဟံၣ်ကိးဘျီဒဲးန့ၣ် နကဘၣ်မၤသီထီၣ် နတၢ်ဆဲးလီၤမံၤအဂ့ၢ်ဆံးကိာ်တဖၣ်န့ၣ်လီၤ. နမ့ၢ်ဆီတလဲနမံၤ မ့တမ့ၢ် နမ့ၢ်သုးလီၢ်သုးကျဲ လၢအပူၤကွံာ်တယံၤဒံးန့ၣ် နကဘၣ်မၤသီထီၣ်နတၢ်ဂ့ၢ်ဆံးကိာ်တဖၣ် တချုး 8 နၣ်ရံၣ် ဖဲ မုၢ်ယူာ် 3 သီ လါနိၣ်ဝ့ဘၢၣ်န့ၣ်လီၤ.
န မၤသီထီၣ်နတၢ်ဆဲးလီၤမံၤ လၢဆဲးကျိးန့ၢ်တီၤ (လၢအဲကလံးကျိာ်) ဒ်သိးကမၤသီထီၣ်နလီၢ်အိၣ်ဆိးထံး မ့တမ့ၢ် ကဆီတလဲနမံၤအဂီၢ်န့ၣ်လီၤ.
မ့ၢ်ယကဘၣ်ဟ့ၣ်တၢ်ဖးဧါ.
မ့ၢ်. နမ့ၢ်ဆဲးလီၤဃာ်မံၤလၢ ဘံးထိရံယၤကီၢ်စဲၣ်န့ၣ် နကဘၣ်ဟ့ၣ်တၢ်ဖးန့ၣ်လီၤ. နမ့ၢ်တဆဲးလီၤမံၤန့ၣ် နမ့ၢ်တအိၣ်ဒီးတၢ်ဂ့ၢ်တၢ်ကျိၤလၢအကြၢးအဘၣ်န့ၣ် နကဘၣ်ဟ့ၣ်စ့စံၣ်ညီၣ် $105 န့ၣ်လီၤ.
ကဘၣ်ဟ့ၣ်တၢ်ဖးဒ်လဲၣ်
ဟ့ၣ်တၢ်ဖးဆိဆိ
ပှၤတဂၤလၢ်လၢ် ဟ့ၣ်တၢ်ဖးလၢတၢ်ဟ့ၣ်တၢ်ဖးအမူးအံၤသ့န့ၣ်လီၤ. နတလိၣ်အိၣ်ဒီးတၢ်ဂ့ၢ်တၢ်ကျိၤလီၤဆီ မ့တမ့ၢ် နတလိၣ်ကွဲးနုာ်မၤပှဲၤ လံာ်ကွီၣ်ဒိအဂၤတဘ့ၣ်ဘၣ်.
တၢ်ဟ့ၣ်တၢ်ဖးဆိဆိလီၢ်ခၢၣ်သးတဖၣ် ကအိးထီၣ်ဖဲ မုၢ်ပျဲၤ 18 သီ လါနိၣ်ဝ့ဘၢၣ် တုၤ မုၢ်ဖီဖး 27 သီ လါနိၣ်ဝ့ဘၢၣ် စးထီၣ်လၢ 9 နၣ်ရံၣ် - ဟါ 6 နၣ်ရံၣ်န့ၣ်လီၤ. တၢ်ကကးတံာ်ဝဲ တၢ်ဟ့ၣ်တၢ်ဖးဆိဆိလီၢ်ခၢၣ်သးတဖၣ်ဖဲ မုၢ်ဒဲး 22 သီ လါနိၣ်ဝ့ဘၢၣ်န့ၣ်လီၤ.
ဟ့ၣ်တၢ်ဖးလၢ တၢ်ဟ့ၣ်တၢ်ဖးအမုၢ်နံၤ
တၢ်ကအိးထီၣ်ဝဲဒၣ် တၢ်ဃုထၢပဒိၣ်ပပှၢ်အမုၢ်နံၤ တၢ်ဟ့ၣ်တၢ်ဖးလီၢ်ခၢၣ်သးတဖၣ်ဖဲ မုၢ်ဘူၣ် 28 သီ, လါနိၣ်ဝ့ဘၢၣ် လၢ ဂီၤ 8 နၣ်ရံၣ်ဒီး ဟါ 6 နၣ်ရံၣ်န့ၣ်လီၤ.
ကွၢ်ဃုနတၢ်ဟ့ၣ်တၢ်ဖးလီၢ်ခၢၣ်သးအဘူးကတၢၢ် လၢပှာ်ယဲၤသန့အံၤအပူၤ စးထီၣ်လၢ မုၢ်ပျဲၤ 4 သီ လါနိၣ်ဝ့ဘၢၣ်တက့ၢ်.
တၢ်ဟ့ၣ်တၢ်ဖးလီၢ်ခၢၣ်သးခဲလၢာ်န့ၣ် ကအိၣ်ဒီး တၢ်ဟ့ၣ်တၢ်ဖးတၢ်နဲၣ်ကျဲတဖၣ်လၢ 29 ကျိာ်န့ၣ်လီၤ.
ပှၤမၤတၢ်ဖိတနီၤလၢ တၢ်ဟ့ၣ်တၢ်ဖးလီၢ်ခၢၣ်သးတဖၣ်န့ၣ် ဘၣ်သ့ၣ်သ့ၣ်ကကတိၤဝဲ ကျိာ်အဂၤတဖၣ် ဒီးအဲကလံးကျိာ်န့ၣ်လီၤ. အဝဲသ့ၣ်ကသိးဃာ် တၢ်ပနီၣ်တဖၣ်လၢအိၣ်ဒီး ကျိာ်လၢအဝဲသ့ၣ်ကတိၤဝဲန့ၣ်လီၤ.
တၢ်ဟ့ၣ်တၢ်ဖးခီဖျိလံာ်တၢး
နပတံထီၣ်လၢဆဲးကျိးန့ၢ်တီၤ လၢတၢ်ကဆှၢန့ၢ်နၤ နတၢ်ဟ့ၣ်တၢ်ဖးလံာ်က့လဲၢ်ခီတဖၣ် ခီဖျိလံာ်တၢး လၢတၢ်ဟ့ၣ်တၢ်ဖးအမုၢ်နံၤန့ၣ်လီၤ.
နပတံထီၣ်လၢ မုၢ်ပျဲၤ 4 သီ လါနိၣ်ဝ့ဘၢၣ်ဒီး ဟါ 6 နၣ်ရံၣ်ဖဲ မုၢ်ပျဲၤ 25 သီ, လါနိၣ်ဝ့ဘၢၣ်သ့န့ၣ်လီၤ.
ပကဆှၢလီၤ တၢ်ဟ့ၣ်တၢ်ဖးလံာ်က့လဲၢ်ခီအဘိၣ်တဖၣ်လၢ မုၢ်ယူာ် 10 သီ, လါနိၣ်ဝ့ဘၢၣ်န့ၣ်လီၤ. ကွဲးနုာ်မၤပှဲၤနတၢ်ဟ့ၣ်တၢ်ဖးဒီး ဆှၢက့ၤအီၤလၢ လံာ်ဒၢးလၢတၢ်ဟ့ၣ်ဃာ်အဘူးအလဲ လၢတၢ်စံးဆၢက့ၤအဂီၢ် တချုးဟါ 6 နၣ်ရံၣ်ဖဲ မုၢ်ဘူၣ် 28 သီ, လါနိၣ်ဝ့ဘၢၣ်တက့ၢ်.
ကဘၣ်ကွဲးနုာ်မၤပှဲၤလၢ တၢ်ဟ့ၣ်တၢ်ဖးလံာ်က့လဲၢ်ခီအပူၤဒ်လဲၣ်
ဒ်သိးတၢ်ကဂံၢ်ဃုာ် နတၢ်ဟ့ၣ်တၢ်ဖးအဂီၢ် နကဘၣ်ကွဲးနုာ်မၤပှဲၤ နတၢ်ဟ့ၣ်တၢ်ဖးလံာ်က့လဲၢ်ခီတဖၣ် လီၤတံၢ်လီၤဆဲးအဂီၢ်န့ၣ်လီၤ.
လၢဘျီၣ်ဒိၣ်လာ်တၢ်ဟ့ၣ်တၢ်ဖးလံာ်က့အလိၤ-
- ကွဲး 1 လၢတၢ်လွံၣ်နၢၣ်အပူၤလၢ ပှၤလၢနသးလီလၢကမၤနၢၤ အကပၤတက့ၢ်
- ကွဲး 2 လၢတၢ်လွံၢ်နၢၣ်အပူၤ လၢပှၤလၢနဃုထၢခံဂၤတဂၤအပူၤတက့ၢ်
- ကွဲး 3 လၢတၢ်လွံၢ်နၢၣ်အပူၤ လၢပှၤလၢနဃုထၢသၢဂၤတဂၤ အကပၤတက့ၢ်
- ထီနီၣ်ဂံၢ်တုၤလၢ တၢ်လွံၢ်နၢၣ်ခဲလၢာ် အိၣ်ဒီးနီၣ်ဂံၢ်တစုတက့ၢ်
- ဂဏန်းများကိုသာ အသုံးပြုပါ.
လၢဘျီၣ်ဒိၣ်ထးတၢ်ဟ့ၣ်တၢ်ဖးလံာ်က့အလိၤ န-
- ဟ့ၣ်တၢ်ဖးလၢကရူၢ်တဖၣ်လၢကျိၤအဖီခိၣ် ခီဖျိတၢ်ထီနီၣ်ဂံၢ် အစှၤကတၢၢ်တၢ်လွံၢ်နၢၣ်ယဲၢ်ဖျၢၣ် ဒ်သိးနကဃုထၢတၢ်အဂီၢ်
မ့တမ့ၢ် - ဟ့ၣ်တၢ်ဖးလၢ ပှၤဟ့ၣ်တၢ်ဖးတဂၤစုာ်စုာ် လၢကျိၤအဖီလာ် ခီဖျိတၢ်ထီနီၣ်ဂံၢ်လၢ တၢ်လွံၢ်နၢၣ်အစှၤကတၢၢ် 5 ဖျၢၣ်လၢ 1 တုၤ 5 ဒ်သိးကနကဃုထၢအဂီၢ်န့ၣ်လီၤ.
- နမ့ၢ်သးအိၣ်န့ၣ် နထီၣ်နီၣ်ဂံၢ်အါန့ၢ် 5 ခါသ့ဘၣ်ဆၣ် နကဘၣ်ထီနီၣ်ဂံၢ်အစှၤကတၢၢ် 5 ခါလၢ တၢ်ကဂံၢ်ဃုာ်နတၢ်ဟ့ၣ်တၢ်ဖးအဂီၢ်န့ၣ်လီၤ.
တၢ်ဂ့ၢ်တၢ်ကျိၤအဂၤဘၣ်ဃး ကဘၣ်ဟ့ၣ်တၢ်ဖးဒ်လဲၣ်
မ့ၢ်နအိၣ်ယံၤဒီး ဘံးထိရံယၤကီၢ်စဲၣ်ဧါ.
နမ့ၢ်အိၣ်ယံၤဒီး ဘံးထိရံယၤကီၢ်စဲၣ်လၢ မုၢ်ပျဲၤ 18 သီ, လါနိၣ်ဝ့ဘၢၣ်ဒီး မုၢ်ဘူၣ် 28 သီ, လါနိၣ်ဝ့ဘၢၣ်န့ၣ် နဟ့ၣ်တၢ်ဖးသ့ဒံးန့ၣ်လီၤ. န-
- ဟ့ၣ်တၢ်ဖးလၢနီၢ်ကစၢ် လၢကီၢ်စဲၣ်ပူၤတၢ်ဟ့ၣ်တၢ်ဖး ခီမံးရှၢၣ်ဝဲၤဒၢးတဖျၢၣ်လၢ်လၢ် လၢကီၢ်အီးစထြ့လယၤ အပူၤ
- ဟ့ၣ်တၢ်ဖးလၢ ထံကီၢ်အချၢတၢ်ဟ့ၣ်တၢ်ဖးလီၢ်ခၢၣ်သး
- ပတံထီၣ်လၢ ကဟ့သတၢ်ဖးခီဖျိလံာ်တၢး ဒီးဆှၢက့ၤ နတၢ်ဟ့ၣ်တၢ်ဖးလံာ်က့တဖၣ်ဆူပအိၣ်
- ပတံထီၣ်လၢကဟ့ၣ်တၢ်ဖး ခီဖျိလံာ်တၢးဒီး ဆှၢက့ၤအီၤဆူ နတၢ်ဟ့ၣ်တၢ်ဖးလၢကီၢ်ချၢလီၢ်ခၢၣ်သး လၢအဘူးကတၢၢ်သ့န့ၣ်လီၤ.
ကီၢ်စဲၣ်ပူၤတၢ်ဟ့ၣ်တၢ်ဖးလီၢ်ခၢၣ်သးတဖၣ် ဒီးကီၢ်ချၢတၢ်ဟ့ၣ်တၢ်ဖးလီၢ်ခၢၣ်သးတဖၣ်န့ၣ် အိးထီၣ်ဒၣ်ထဲ ရူအိးထီၣ်နၣ်ရံၣ်တဖၣ်အပူၤန့ၣ်လီၤ. တၢ်ဟ့ၣ်တၢ်ဖးတအိၣ်ဖဲ တၢ်ဃုထၢပဒိၣ်ပပှၢ်အမုၢ်နံၤ (မုၢ်ဘူၣ် 28 သီ, လါနိၣ်ဝ့ဘၢၣ်) လၢကီၢ်စဲၣ်ပူၤတၢ်ဟ့ၣ်တၢ်ဖးလီၢ်ခၢၣ်သးတဖၣ်ဘၣ်.
နကအိၣ်ယံၤလၢကီၢ်စဲၣ်အချၢန့ၣ် ဒုးသ့ၣ်ညါပှၤတက့ၢ်
နမ့ၢ်ကအိၣ်ယံၤလၢ ဘံးထိရံယၤကီၢ်စဲၣ်အချၢ လၢမုၢ်ပျဲၤ 18 သီ, လါနိၣ်ဝ့ဘၢၣ်ဒီး မုၢ်ဘူၣ် 28 သီ, လါနိၣ်ဝ့ဘၢၣ်, ဒီးနမ့ၢ်ဟ့ၣ်တၢ်ဖးဆိဆိ မ့တမ့ၢ် ခီဖျိလံာ်တၢးမ့ၢ်တသ့န့ၣ် နဒုးသ့ၣ်ညါပှၤ တချုးနလဲၤသ့န့ၣ်လီၤ.
နဃုထၢတၢ် 3 မံၤသ့လၢ နကဒုးသ့ၣ်ညါပှၤအဂီၢ်န့ၣ်လီၤ-
- ကိး >03 9209 0112 ကတဲတၢ်ဒီးပှၤတဲကျိာ်ထံတၢ်တဂၤအဂီၢ်
- စူးကါ သမံသမိးယတၢ်ဆဲးလီၤမံၤ ဒ်သိးကကွဲးနုာ်မၤပှဲၤလံာ်ကွီၣ်ဒိ ဖဲအိၣ်ယံၤလၢဘံးထိရံယၤကီၢ်စဲၣ်အချၢ (လၢအဲးကလံးကျိာ်)
- နမ့ၢ်အိၣ်လၢကီၢ်စဲၣ်ပူၤ မ့တမ့ၢ် ကီၢ်ချၢတစိၢ်တလီၢ် မ့တမ့ၢ် ဖးယံာ်န့ၣ် နကွဲးနုာ်မၤပှဲၤ ကီၢ်ချၢတၢ်ဘိးဘၣ်သ့ၣ်ညါလံာ်ကွီၣ်ဒိ (လၢအဲကလံးကျိာ်) ခီဖျိ AECသ့န့ၣ်လီၤ.
VoterAlert
VoterAlert မ့ၢ်ဝဲ တၢ်ဟ့ၣ်ပလီၢ်တၢ်ဟ့ၣ်တၢ်ဖးတၢ်တိစၢၤမၤစၢၤအပှ့ၤကလီ ခီဖျိ SMS န့ၣ်လီၤ. နဒိးန့ၢ်တၢ်ကစီၣ်သီဘၣ်ဃး တၢ်ဃုထၢပဒိၣ်ပပှၢ် ဒီးတၢ်ဟ့ၣ်ပလီၢ်ဘၣ်ဃး တၢ်ဟ့ၣ်တၢ်ဖး (လၢအဲကလံးကျိာ်) သ့န့ၣ်လီၤ.
ပှၤမတၤတဖၣ် ကနုာ်လီၤပြၢတၢ်လၢ တၢ်ဃုထၢပဒိၣ်ပပှၢ်အမူးန့ၣ်လဲၣ်
နကွၢ်ဃု ပှၤလၢကနုာ်လီၤပြၢတၢ်လၢ တၢ်ဃုထၢပဒိၣ်ပပှၢ်အမူး လၢနလီၢ်ကဝီၤအပူၤ စးထီၣ်လၢ မုၢ်ပျဲၤ 4 သီ, လါနိၣ်ဝ့ဘၢၣ် (လၢအဲကလံးကျိာ်) သ့န့ၣ်လီၤ.
နုာ်လီၤပြၢလၢ တၢ်ဃုထၢပဒိၣ်ပပှၢ်အမူး
နမ့ၢ်အဲၣ်ဒိးနုာ်လီၤပြၢ လၢတၢ်ဃုထၢပဒိၣ်ပပှၢ်အမူးန့ၣ် နကဘၣ်တီၣ်ထီၣ်ဆဲးလီနမံၤန့ၣ်လီၤ.
တၢ်တီၣ်ထီၣ်ဆဲးလီၤမံၤ လၢတၢ်ဃုထၢပဒိၣ်ပပှၢ်အမူးန့ၣ် တၢ်တူၢ်လိာ်အီၤဖဲ လါနိၣ်ဝ့ဘၢၣ် 4 သီဒီး တၢ်ကးတံာ်အီၤဖဲ မုၢ်ထူၣ် 12 လၢမုၢ်ဆၣ် 9 သီ, လါနိၣ်ဝ့ဘၢၣ်-
ကဃုသ့ၣ်ညါအါထီၣ်ဘၣ်ဃး တၢ်တီၣ်ထီၣ်ဆဲးလီၤမံၤလၢ တၢ်ဃုထၢပဒိၣ်ပပှၢ်အမူးတၢ်ဂ့ၢ်တၢ်ကျိၤ (လၢအဲကလံးကျိာ်)
တၢ်ပာ်ဖျါထီၣ် တၢ်မၤဘူၣ်တၢ်တမံၤအဂ့ၢ်
ဒ်ပှၤကီၢ်အီးစထြ့လယၤထံကီၢ်ဖိတဂၤ, ပှၤအိၣ်ဆိးလၢကီၢ်အီးစထြ့လယၤတဂၤ, ဒီးကရၢတဖုဖု လၢအိၣ်ဒီးမုၢ်ဝဲၤတၢ်မၤနီၣ်ဂံၢ်ကြၢးဘၣ်န့ၣ် မၤဝဲထံရူၢ်ကီၢ်သဲးတၢ်မၤဘူၣ်စ့ လၢဘံးထိရံယၤကီၢ်စဲၣ်အပူၤသ့န့ၣ်လီၤ. မုၢ်ဝဲၤတၢ်မၤနီၣ်ဂံၢ်ကြၢးဘၣ်တဖၣ်မ့ၢ်ဝဲ
- အီးစထြ့လံယၤမုၢ်ဝဲၤတၢ်မၤနီၣ်ဂံၢ် (ABN)
- အီးစထြ့လံယၤခီပနံၣ်နီၣ်ဂံၢ် (ACN).
ပှၤမၤဘူၣ်စ့တဂၤန့ၣ် မၤဘူၣ်အါန့ၢ် $5,190 ဆူပှၤတူၢ်လိာ်စ့တဂၤလၢ လါအ့ဖြ့ၣ် 15 သီဒီး လါနိၣ်ဝ့ဘၢၣ် 28 သီ, 2026 န့ၣ်လီၤ. နမ့ၢ်မၤ မ့တမ့ၢ် ဒိးန့ၢ်ထံရူၢ်ကီၢ်သဲးစ့မၤဘူၣ် $1,290 မ့တမ့ၢ်အါန့ၢ်အီၤန့ၣ် နကဘၣ်ပာ်ဖျါအီၤ ခီဖျိတၢ်စူးကါ ပဆဲးကျိးန့ၢ်တီၤတၢ်မၤကျဲ VEC တၢ်ပာ်ဖျါတဖၣ်န့ၣ်လီၤ. နကဘၣ်မၤအီၤလၢ တၢ်ဟ့ၣ်မၤဘူၣ်ဝံၤ 21 သီအတီၢ်ပူၤန့ၣ်လီၤ. နမ့ၢ်မၤဘူၣ်စ့ $1,290 ခံဘျီ မ့တမ့ၢ် အဖီခိၣ်န့ၣ် နကဘၣ်ပာ်ဖျါထီၣ် တၢ်ဟ့ၣ်စ့မၤဘူၣ်တဘျီစုာ်စုာ်န့ၣ်လီၤ.
ပာ်ဖျါထီၣ် ထံရူၢ်ကီၢ်သဲးတၢ်ဟ့ၣ်မၤဘူၣ်စ့
တၢ်ဖးအါထီၣ်ဘၣ်ဃးဒီး တၢ်ဟ့ၣ်လီၤစ့လၢ နီၢ်ဂံၢ်ထီဒါတၢ်မၤ (လၢအဲးကလံးကျိာ်)
နမ့ၢ်တဟ့ၣ်တၢ်ဖးန့ၣ် တၢ်မနုၤကကဲထီၣ်လဲၣ်.
ပမ့ၢ်တအိၣ်ဒီးတၢ်ကွဲးနီၣ်ကွဲးဃါ လၢနတၢ်ဟ့ၣ်တၢ်ဖးအဂ့ၢ်န့ၣ် ပကဆှၢနၤလံာ်ပရၢတဘ့ၣ် လၢသံကွၢ်နၤ မ့ၢ်နဟ့ၣ်တ့ၢ်တၢ်ဖးဧါန့ၣ်လီၤ.
- နမ့ၢ်ဟ့ၣ်တၢ်ဖးန့ၣ် တဲပှၤတၢ်လီၢ်လၢ နဟ့ၣ်တ့ၢ်တၢ်ဖးတက့ၢ်. အဃိဒီး ပကွၢ်ဃုလၢ ပတၢ်ကွဲးနီၣ်တဖၣ်ကသ့န့ၣ်လီၤ.
- နမ့ၢ် တ ဟ့ၣ်တ့ၢ်တၢ်ဖးန့ၣ် တဲပှၤ ဘၣ်မနုၤအဃိလဲၣ်န့ၣ်တက့ၢ်.
နစံးဆၢက့ၤလံာ်ဘိးဘၣ်သ့ၣ်ညါအံၤ လၢဆဲးကျိးန့ၢ်တီၤ, ခီဖျိလံာ်ပရၢ မ့တမ့ၢ် အံမ့(လ)သ့န့ၣ်လီၤ.
နမ့ၢ်တစံးဆၢက့ၤ, မ့တမ့ၢ် နမ့ၢ်တအိၣ်ဒီး တၢ်ဂ့ၢ်တၢ်ကျိၤကြၢးဘၣ်လၢ တဟ့ၣ်တၢ်ဖးအဂီၢ်န့ၣ် နကဘၣ်ဟ့ၣ်စ့စံၣ်ညီၣ် $105 န့ၣ်လီၤ.
တၢ်ဂ့ၢ်တၢ်ကျိၤအဂၤ
နမ့ၢ်အိၣ်ဒီးတၢ်သံကွၢ်ဘၣ်ဃး 2026 ကီၢ်စဲၣ်တၢ်ဃုထၢပဒိၣ်ပပှၢ်အမူးန့ၣ် ကိးလီတဲစိဆူ >03 9209 0112 ဒ်သိးကတဲတၢ်ဒီးပှၤ ဃုာ်ဒီးပှၤတဲကျိာ်ထံတၢ်တဂၤအဂီၢ်တက့ၢ်.