ܐܵܬܘܿܪܵܝܵܐ
ܓܲܒܵܝܵܬܹܐ ܕܐܘܼܚܕܵܢܵܐ ܕܒܼܸܟܬܘܿܪܝܵܐ ܝܼܢܵܐ ܒܣܝܼܩܘܿܡܵܐ ܕ ܫܲܒܬܵܐ 28 ܬܸܫܪܝܼܢ ܬܪܲܝܵܢܵܐ .
ܡܵܢܝܼ ܓܵܪܸܓ ܕܵܪܹܐ ܩܵܠܵܐ ܓܵܘ ܓܲܒܵܝܵܬܹܐ ܕܐܘܼܚܕܵܢܵܐ؟
ܟܠܲܝܗܝ ܒܢܲܝ ܐܲܬܪܵܐ ܐܘܿܣܬܪܵܠܵܝܹܐ ܕܝܼܢܵܐ ܒܥܘܼܡܪܵܐ ܕ 18 ܫܸܢܹܐ ܘܥܘܼܠܘܼܠ ܕܟܹܐ ܚܵܝܝܼ ܓܵܘ ܒܼܸܟܬܘܿܪܝܵܐ ܓܵܪܸܓ ܡܲܟܬܸܒܼܝܼ ܫܸܡܲܝܗܝ ܩܵܐ ܕܪܵܝܬܵܐ ܕܩܵܠܵܐ ܓܵܘ ܓܲܒܵܝܵܬܹܐ ܕܐܘܼܚܕܵܢܵܐ ܕܒܼܸܟܬܘܿܪܝܵܐ.
ܐܸܢ ܐܲܚܬܘܿܢ ܗܘܹܐܠܵܘܟܼܘܿܢ ܚܲܕ ܒܲܪ ܐܲܬܪܵܐ ܐܘܿܣܬܪܵܠܵܝܵܐ ܐܝܼܢܵܐ ܗܵܠܵܐ ܠܵܐ ܝܬܘܿܢ ܡܘܼܬܸܒܼܹܐ ܩܵܐ ܕܪܵܝܬܵܐ ܕܩܵܠܵܐ، ܐܲܚܬܘܿܢ ܓܵܪܸܓ ܡܲܟܬܸܒܼܝܼܬܘܿܢ ܠܹܗ ܫܸܡܵܘܟܼܘܿܢ ܡܼܢ ܩܵܕ݇ܡ ܣܵܥܲܬ 8 ܒܠܲܝܠܹܐ ܒܝܵܘܡܵܐ ܕ ܬܠܵܬܼܒܫܲܒܵܐ 3 ܬܸܫܪܝܼܢ ܬܪܲܝܵܢܵܐ.
ܪܵܒܵܐ ܐ݇ܢܵܫܹܐ ܡܘܼܟܬܸܒܼܹܐ ܝܢܵܐ ܫܸܡܲܝܗܝ ܠܕܪܵܝܵܐ ܩܵܠܵܐ ܓܵܘ ܙܘܼܝܵܚܹܐ ܕܒܲܪܐܲܬܪܵܝܘܼܬܵܐ. ܐܸܢ ܐܲܚܬܘܿܢ ܠܵܐ ܝܬܘܿܢ ܐܲܟܝܼܕܹܐ ܕܐܸܢ ܐܲܚܬܘܿܢ ܡܘܼܟܬܸܒܼܹܐ ܝܬܘܿܢ ܫܸܡܵܘܟܼܘܿܢ؟ ܐܲܚܬܘܿܢ ܡܵܨܝܼܬܘܿܢ ܡܲܚܒܸܪܝܼܬܘܿܢ ܠܲܢ ܥܲܠ ܡܸܢܝܵܢܵܐ 03 9209 0160 ܩܵܐ ܕܣܲܚܒܸܪܝܼܬܘܿܢ.
ܡܲܟܬܸܒܼܘܼܢ ܫܸܡܵܘܟܼܘܿܢ ܩܵܐ ܕܕܵܪܝܼܬܘܿܢ ܩܵܠܵܐ
ܐܲܚܬܘܿܢ ܡܵܨܝܼܬܘܿܢ ܝܲܢ ܡܲܟܬܸܒܼܝܼܬܘܿܢ ܫܸܡܵܘܟܼܘܿܢ ܠܕܪܵܝܵܐ ܩܵܠܵܐ ܥܲܠ ܐܸܢܬܸܪܢܸܬ (ܒܠܸܫܵܢܵܐ ܐܸܢܓܠܸܣܢܵܝܵܐ) ܝܲܢ ܡܵܨܝܼܬܘܿܢ ܡܲܫܟܚܝܼܬܘܿܢ ܡܲܒܘܼܥܹܐ ܡܬܘܼܪܓܸܡܹܐ ܡܼܢ ܣܝܼܥܬܵܐ ܐܘܿܣܬܪܵܠܵܝܬܵܐ ܕܓܲܒܵܝܵܬܹܐ Australian Electoral Commission (AEC) ܩܵܐ ܕܗܲܝܸܪܝܼ ܠܵܘܟܼܘܿܢ.
ܐܸܢ ܥܒܼܝܼܪܠܹܗ ܡܸܢܵܘܟܼܘܿܢ ܣܝܼܩܘܿܡܵܐ ܐ݇ܚܵܪܵܝܵܐ ܕܡܲܟܬܵܒܼܬܵܐ ܕܫܸܡܵܘܟܼܘܿܢ (ܡܼܢ ܩܵܕ݇ܡ ܣܵܥܲܬ 8 ܒܠܲܝܠܹܐ ܒܝܵܘܡܵܐ ܕ ܬܠܵܬܼܒܫܲܒܵܐ 3 ܬܸܫܪܝܼܢ ܬܪܲܝܵܢܵܐ)، ܫܸܡܵܘܟܼܘܿܢ ܠܵܐ ܗܵܘܹܐ ܥܲܠ ܣܸܕܪܵܐ ܓܵܘ ܩܸܢܛܪܘܿܢ ܕܕܪܵܝܬܵܐ ܕܩܵܠܵܐ. ܐܲܚܬܘܿܢ ܡܵܨܝܼܬܘܿܢ ܡܲܕܸܥܝܼܬܘܿܢ ܩܵܐ ܦܵܠܵܚܹܐ ܕܓܲܒܵܝܵܬܹܐ ܕܐܲܚܬܘܿܢ ܒܵܥܝܼܬܘܿܢ ܡܲܟܬܸܒܼܝܼܬܘܿܢ ܠܹܗ ܫܸܡܵܘܟܼܘܿܢ ܘܕܵܪܝܼܬܘܿܢ ܩܵܠܵܐ ܓܵܘ ܩܸܢܛܪܘܿܢ ܕܕܪܵܝܬܵܐ ܕܩܵܠܵܐ. ܐܵܢܝܼ ܡܵܨܝܼ ܗܲܝܸܪܝܼ ܠܵܘܟܼܘܿܢ ܕܡܵܠܝܼܬܘܿܢ ܠܹܗ ܦ̮ܘܿܪܡ.
ܣܲܚܒܸܪܘܼܢ ܝܲܢ ܚܲܕܸܬܘܿܢ ܠܦܘܼܨܵܠܹܐ ܕܡܵܘܕܥܵܢܘܼܬܵܘܟܼܘܿܢ
ܐܝܼܡܲܢ ܕܫܸܡܵܘܟܼܘܿܢ ܝܼܠܹܗ ܥܲܠ ܣܸܕܪܵܐ ܕܡܓܲܒܝܵܢܹܐ، ܐܲܚܬܘܿܢ ܓܵܪܸܓ ܚܲܡܝܼܬܘܿܢ ܠܗܘܿܢ ܦܘܼܨܵܠܹܐ ܕܡܵܘܕܥܵܢܘܼܬܵܘܟܼܘܿܢ ܡܚܘܼܕܸܬܹܐ. ܒܟܠ ܥܸܕܵܢܵܐ ܕܫܲܢܝܼܬܘܿܢ ܠܸܚܵܝܵܐ ܓܵܘ ܚܲܕ ܒܲܝܬܵܐ ܐ݇ܚܹܪ݇ܢܵܐ، ܐܲܚܬܘܿܢ ܓܵܪܸܓ ܡܚܲܕܸܝܼܬܘܿܢ ܠܗܘܿܢ ܦܘܼܨܵܠܹܐ ܕܡܲܟܬܲܒܼܬܵܐ ܕܫܸܡܵܘܟܼܘܿܢ. ܐܸܢ ܫܘܼܚܠܸܦ ܠܵܘܟܼܘܿܢ ܫܸܡܵܘܟܼܘܿܢ ܝܲܢ ܫܘܼܢܝܼܠܵܘܟܼܘܿܢ ܒܩܵܐܹܡ، ܐܲܚܬܘܿܢ ܓܵܪܸܓ ܚܲܕܸܬܘܿܢ ܠܗܘܿܢ ܦܘܼܨܵܠܹܐ ܕܡܵܘܕܥܵܢܘܼܬܵܘܟܼܘܿܢ ܡܼܢ ܩܵܕ݇ܡ ܣܵܥܲܬ 8 ܒܠܲܝܠܹܐ ܒܝܵܘܡܵܐ ܕܬܠܵܬܼܒܫܲܒܵܐ 3 ܬܸܫܪܝܼܢ ܬܪܲܝܵܢܵܐ .
ܐܲܚܬܘܿܢ ܡܵܨܝܼܬܘܿܢ ܚܲܕܸܬܝܼܬܘܿܢ ܠܵܗܿ ܡܲܟܬܵܒܼܬܵܐ ܕܫܸܡܵܘܟܼܘܿܢ ܥܲܠ ܐܸܢܬܸܪܢܸܬ (ܒܠܸܫܵܢܵܐ ܐܸܢܓܠܸܣܢܵܝܵܐ) ܩܵܐ ܕܚܲܕܸܬܝܼܬܘܿܢ ܐܵܕܪܝܼܣܵܘܟܼܘܿܢ ܝܲܢ ܫܲܚܠܸܦܝܼܬܘܿܢ ܠܹܗ ܫܸܡܵܘܟܼܘܿܢ.
ܓܵܪܸܓ ܐܵܢܵܐ ܕܵܪܸܝܢ ܩܵܠܵܐ؟
ܗܹܐ. ܐܸܢ ܐܲܚܬܘܿܢ ܡܘܼܟܬܸܒܼܹܐ ܝܬܘܿܢ ܫܸܡܵܘܟܼܘܿܢ ܓܵܘ ܒܼܸܟܬܘܿܪܝܵܐ، ܓܵܪܸܓ ܕܵܪܝܼܬܘܿܢ ܩܵܠܵܐ. ܐܸܢ ܠܵܐ ܕܵܪܝܼܬܘܿܢ ܩܵܠܵܐ، ܒܲܠܟܵܐ ܐܲܚܬܘܿܢ ܩܲܒܠܝܼܬܘܿܢ ܚܲܕ ܓ̰ܸܙܵܐ ܕ $105 ܐܸܢ ܐܲܚܬܘܿܢ ܠܲܝܬܠܵܘܟܼܘܿܢ ܚܲܕ ܣܲܒܵܒ ܚܲܝܠܵܢܵܐ.
ܕܵܐܟܼܝܼ ܠܕܪܵܝܵܐ ܩܵܠܵܐ
ܕܪܹܝܡܘܼܢ ܩܵܠܵܐ ܡܼܢ ܩܵܕ݇ܡ ܥܸܕܵܢܵܐ
ܟܠܚܲܕ ܦܲܪܨܘܿܦܵܐ ܡܵܨܹܐ ܕܵܪܹܐ ܩܵܠܵܐ ܡܼܢ ܩܵܕ݇ܡ ܥܸܕܵܢܵܐ ܓܵܘ ܕܐܲܢܹܐ ܓܲܒܵܝܵܬܹܐ؛ ܐܲܚܬܘܿܢ ܠܵܐ ܝܬܘܿܢ ܣܢܝܼܩܹܐ ܕܗܵܘܹܐܠܵܘܟܼܘܿܢ ܣܲܒܵܒ ܕܝܼܠܵܢܵܝܵܐ ܝܲܢ ܕܡܵܠܝܼܬܘܿܢ ܚܲܕ ܦ̮ܘܿܪܡ ܙܵܘܕܵܢܵܐ.
ܩܸܢܛܪܘܿܢܹܐ ܕܕܪܵܝܬܵܐ ܕܩܵܠܵܐ ܡܼܢ ܩܵܕ݇ܡ ܥܸܕܵܢܵܐ ܒܸܕ ܗܵܘܝܼ ܦܬܝܼܚܹܐ ܡܼܢ ܐܲܪܒܲܥܒܫܲܒܵܐ 18 ܬܸܫܪܝܼܢ ܬܪܲܝܵܢܵܐ ܗܲܠ ܥܪܘܼܒܼܬܵܐ 27 ܬܸܫܪܝܼܢ ܬܪܲܝܵܢܵܐ ܡܼܢ ܣܵܥܲܬ 9 ܒܩܲܝܕܵܡܬܵܐ ܗܲܠ ܣܵܥܲܬ 6 ܒܪܲܡܫܵܐ . ܩܸܢܛܪܘܿܢܹܐ ܕܕܪܵܝܬܵܐ ܕܩܵܠܵܐ ܡܼܢ ܩܵܕ݇ܡ ܥܸܕܵܢܵܐ ܕܒܼܝܼܪܹܐ ܝܢܵܐ ܒܣܝܼܩܘܿܡܵܐ ܕ ܚܲܕܒܫܲܒܵܐ 22 ܬܸܫܪܝܼܢ ܬܪܲܝܵܢܵܐ .
ܕܪܹܝܡܘܼܢ ܩܵܠܵܐ ܒܝܵܘܡܵܐ ܕܓܲܒܵܝܵܬܹܐ
ܩܸܢܛܪܘܿܢܹܐ ܕܕܪܵܝܬܵܐ ܕܩܵܠܵܐ ܒܸܕ ܗܵܘܝܼ ܦܬܝܼܚܹܐ ܒܝܵܘܡܵܐ ܕܫܲܒܬܵܐ 28 ܬܸܫܪܝܼܢ ܬܪܲܝܵܢܵܐ ܒܹܝܠ ܣܵܥܲܬ 8 ܒܩܲܝܕܵܡܬܵܐ ܘܣܵܥܲܬ 6 ܒܪܲܡܫܵܐ .
ܡܲܫܟܚܘܼܢ ܗܿܘ ܩܸܢܛܪܘܿܢ ܕܕܪܵܝܬܵܐ ܕܩܵܠܵܐ ܒܘܼܫ ܩܘܼܪܒܵܐ ܥܲܠܵܘܟܼܘܿܢ ܥܲܠ ܕܐܵܗܵܐ ܫܲܘܦܵܐ ܐܸܠܸܟܬܪܘܿܢܵܝܵܐ ܡܼܢ ܐܲܪܒܲܥܒܫܲܒܵܐ 4 ܬܸܫܪܝܼܢ ܬܪܲܝܵܢܵܐ.
ܟܠܲܝܗܝ ܩܸܢܛܪܘܿܢܹܐ ܕܕܪܵܝܬܵܐ ܕܩܵܠܵܐ ܒܸܕ ܗܵܘܝܼ ܠܗܘܿܢ ܦܘܼܩܕܵܢܹܐ ܕܕܪܵܝܬܵܐ ܕܩܵܠܵܐ ܟܬܝܼܒܼܹܐ ܒ 29 ܠܸܫܵܢܹܐ.
ܚܲܕܟܡܵܐ ܦܵܠܵܚܹܐ ܕܓܵܘ ܩܸܢܛܪܘܿܢܹܐ ܕܕܪܵܝܬܵܐ ܕܩܵܠܵܐ ܒܲܠܟܵܐ ܐܵܦ ܗܲܡܙܸܡܝܼ ܒܠܸܫܵܢܹܐ ܐ݇ܚܹܪ݃ܢܹܐ ܫܒܼܘܿܩ ܡܼܢ ܠܸܫܵܢܵܐ ܐܸܢܓܠܸܣܢܵܝܵܐ. ܐܵܢܝܼ ܒܸܕ ܠܵܒܼܫܝܼ ܚܲܕ ܫܸܒܵܐ ܒܠܸܫܵܢܵܐ ܕܐܵܢܝܼ ܟܹܐ ܗܲܡܙܸܡܝܼ.
ܕܪܹܝܡܘܼܢ ܩܵܠܵܐ ܒܒܲܪܝܼܕܵܐ
ܐܲܚܬܘܿܢ ܡܵܨܝܼܬܘܿܢ ܩܲܕܸܡܝܼܬܘܿܢ ܥܲܠ ܐܸܢܬܸܪܢܸܬ ܩܵܐ ܕܦܵܝܫܝܼ ܫܘܼܕܪܹܐ ܘܲܪܵܩܹܐ ܕܕܪܵܝܬܵܐ ܕܩܵܠܵܐ ܩܵܐܠܵܘܟܼܘܿܢ ܒܒܲܪܝܼܕܵܐ ܓܵܘ ܕܐܲܢܹܐ ܓܲܒܵܝܵܬܹܐ.
ܐܲܚܬܘܿܢ ܡܵܨܝܼܬܘܿܢ ܩܲܕܸܡܝܼܬܘܿܢ ܒܹܝܠ ܐܲܪܒܲܥܒܫܲܒܵܐ 4 ܬܸܫܪܝܼܢ ܬܪܲܝܵܢܵܐ ܘ 6 ܒܪܲܡܫܵܐ ܐܲܪܒܲܥܒܫܲܒܵܐ 25 ܬܸܫܪܝܼܢ ܬܪܲܝܵܢܵܐ.
ܐܲܚܢܲܢ ܒܸܕ ܫܲܕܪܲܚ ܟܲܪܡܘܼܟܼܝܵܬܹܐ ܕܘܲܪܵܩܹܐ ܕܓܲܒܵܝܵܬܹܐ ܡܼܢ ܬܠܵܬܼܒܫܲܒܵܐ 10 ܬܸܫܪܝܼܢ ܬܪܲܝܵܢܵܐ. ܡܠܹܝܡܘܼܢ ܠܹܗ ܘܲܪܵܩܵܐ ܕܕܪܵܝܬܵܐ ܕܩܵܠܵܐ ܘܡܲܕܥܸܪܘܼܢ ܠܹܗ ܓܵܘ ܙܲܪܦܵܐ ܥܲܠܹܗ ܐܵܕܪܸܣ ܘܛܝܼܡܵܐ ܕܦܘܿܣܬܵܐ ܦܸܪܥܝܵܐ ܠܩܲܕ݇ܡܵܐ ܡܼܢ ܩܵܕ݇ܡ ܣܵܥܲܬ 6 ܒܪܲܡܫܵܐ ܕܫܲܒܬܵܐ 28 ܬܸܫܪܝܼܢ ܬܪܲܝܵܢܵܐ.
ܕܵܐܟܼܝܼ ܠܡܠܵܝܵܐ ܚܲܕ ܘܲܪܵܩܵܐ ܕܓܲܒܵܝܵܬܹܐ
ܩܵܐ ܕܦܵܐܹܫ ܩܵܐܠܵܘܟܼܘܿܢ ܚܘܼܫܒܸܢܵܐ، ܐܲܚܬܘܿܢ ܓܵܪܸܓ ܡܵܠܝܼܬܘܿܢ ܬܸܪܘܲܝܗܝ ܘܲܪܵܩܹܐ ܕܓܲܒܵܝܵܬܹܐ ܒܐܘܼܪܚܵܐ ܬܪܝܼܨܬܵܐ.
ܥܲܠ ܘܲܪܵܩܵܐ ܒܘܼܫ ܙܥܘܿܪܵܐ ܕܡܵܘܬܒܼܵܐ ܕܩܲܝܘܼܡܹܐ:
- ܟܬܘܿܒܼܘܼܢ 1 ܓܵܘ ܨܲܢܕܘܼܩܵܐ ܕܠܕܸܦܢܵܐ ܕܦܲܪܨܘܿܦܵܐ ܕܒܵܥܝܼܬܘܿܢ ܠܹܗ ܕܩܵܪܹܡ
- ܟܬܘܿܒܼܘܼܢ 2 ܓܵܘ ܨܲܢܕܘܼܩܵܐ ܕܠܕܸܦܢܵܐ ܕܦܲܪܨܘܿܦܵܐ ܕܝܼܠܹܗ ܓܘܼܒܵܝܵܘܟܼܘܿܢ ܬܪܲܝܵܢܵܐ
- ܟܬܘܿܒܼܘܼܢ 3 ܓܵܘ ܨܲܢܕܘܼܩܵܐ ܕܠܕܸܦܢܵܐ ܕܦܲܪܨܘܿܦܵܐ ܕܝܼܠܹܗ ܓܘܼܒܵܝܵܘܟܼܘܿܢ ܬܠܝܼܬܵܝܵܐ
- ܦܘܼܫܘܼܢ ܡܲܬܘܼܒܼܹܐ ܡܸܢܝܵܢܵܐ ܓܵܘ ܨܲܢܕܘܼܩܹܐ ܗܲܠ ܕܟܠܲܝܗܝ ܨܲܢܕܘܼܩܹܐ ܗܵܘܝܼ ܠܗܘܿܢ ܚܲܕ ܡܸܢܝܵܢܵܐ
- ܡܲܦܠܸܚܘܼܢ ܡܸܢܝܵܢܹܐ ܐܲܚܟ̰ܝܼ.
ܥܲܠ ܘܲܪܵܩܵܐ ܒܘܼܫ ܓܘܼܒܼܪܵܐ ܕܓܲܒܲܝܵܬܹܐ ܕܡܵܘܬܒܼܵܐ ܥܸܠܵܝܵܐ ܐܲܚܬܘܿܢ ܡܵܨܝܼܬܘܿܢ ܝܲܢ:
- ܕܵܪܝܼܬܘܿܢ ܩܵܠܵܐ ܩܵܐ ܕܵܣܬܹܐ ܒܪܹܫ ܣܸܪܛܵܐ ܒܡܲܬܲܒܼܬܵܐ ܕܡܸܢܝܵܢܵܐ ܕܠܵܐ ܒܵܨܘܿܪܵܐ ܡܼܢ 5 ܨܲܢܕܘܼܩܹܐ ܒܣܸܕܪܵܐ ܕܐܲܚܬܘܿܢ ܦܵܪܫܝܼܬܘܿܢ ܠܹܗ
ܝܲܢ - ܕܵܪܝܼܬܘܿܢ ܩܵܠܵܐ ܩܵܐ ܡܘܼܚܫܸܚܵܐ ܠܚܘܿܕܵܝܵܐ ܬܚܘܿܬ ܣܸܪܛܵܐ ܒܡܲܬܲܒܼܬܵܐ ܕܡܸܢܝܵܢܵܐ ܕܠܵܐ ܒܵܨܘܿܪܵܐ ܡܼܢ 5 ܨܲܢܕܘܼܩܹܐ ܡܼܢ 1 ܗܲܠ 5 ܒܣܸܕܪܵܐ ܕܐܲܚܬܘܿܢ ܦܵܪܫܝܼܬܘܿܢ ܠܹܗ.
- ܐܲܚܬܘܿܢ ܡܵܨܝܼܬܘܿܢ ܡܲܬܒܼܝܼܬܘܿܢ ܙܵܘܕܵܐ ܡܼܢ 5 ܡܸܢܝܵܢܹܐ ܐܸܢ ܐܲܚܬܘܿܢ ܒܵܥܝܼܬܘܿܢ، ܐܝܼܢܵܐ ܓܵܪܸܓ ܐܲܚܬܘܿܢ ܡܲܬܒܼܝܼܬܘܿܢ ܠܵܐ ܒܵܨܘܿܪܵܐ ܡܼܢ 5 ܨܲܢܕܘܼܩܹܐ ܩܵܐ ܕܦܵܐܹܫ ܚܘܼܫܒܸܢܵܐ ܩܵܠܵܘܟܼܘܿܢ.
ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ ܒܘܼܬ ܕܵܐܟܼܝܼ ܠܕܪܵܝܵܐ ܩܵܠܵܐ
ܪܸܚܩܵܐ ܝܬܘܿܢ ܡܼܢ ܒܼܸܟܬܘܿܪܝܵܐ؟
ܐܸܢ ܐܲܚܬܘܿܢ ܒܸܕ ܗܵܘܝܼܬܘܿܢ ܪܸܚܩܵܐ ܡܼܢ ܒܼܸܟܬܘܿܪܝܵܐ ܒܹܝܠ ܐܲܪܒܲܥܒܫܲܒܵܐ 18 ܬܸܫܪܝܼܢ ܬܪܲܝܵܢܵܐ ܘܫܲܒܬܵܐ 28 ܬܸܫܪܝܼܢ ܬܪܲܝܵܢܵܐ، ܐܲܚܬܘܿܢ ܗܵܠܵܐ ܡܵܨܝܼܬܘܿܢ ܕܵܪܝܼܬܘܿܢ ܩܵܠܵܐ. ܐܲܚܬܘܿܢ ܒܸܕ ܗܵܘܝܼܬܘܿܢ ܡܵܨܝܵܢܹܐ ܕ:
- ܕܵܪܝܼܬܘܿܢ ܩܵܠܵܐ ܦܲܪܨܘܿܦܵܐܝܼܬ ܓܵܘ ܐܲܝܢܝܼ ܡܲܟܼܬܒܼܵܐ ܕܗܵܘܹܐ ܕܣܝܼܥܬܵܐ ܕܕܪܵܝܬܵܐ ܕܩܵܠܵܐ ܕܒܹܝܠ ܐܘܼܚܕܵܢܵܐ ܓܵܘ ܐܘܿܣܬܪܵܠܝܵܐ
- ܕܵܪܝܼܬܘܿܢ ܩܵܠܵܐ ܦܲܪܨܘܿܦܵܐܝܼܬ ܓܵܘ ܐܲܝܢܝܼ ܩܸܢܛܪܘܿܢ ܕܕܪܵܝܬܵܐ ܕܩܵܠܵܐ ܕܠܒܼܲܕܲܪ ܡܼܢ ܐܲܬܪܵܐ
- ܩܲܕܸܡܝܼܬܘܿܢ ܠܕܪܵܝܵܐ ܩܵܠܵܐ ܒܐܘܼܪܚܵܐ ܕܒܲܪܝܼܕܵܐ ܘܡܲܕܥܸܪܝܼܬܘܿܢ ܠܗܘܿܢ ܘܲܪܵܩܹܐ ܡܸܠܝܹܐ ܕܓܲܒܵܝܵܬܹܐ ܩܵܐܠܲܢ
- ܩܲܕܸܡܝܼܬܘܿܢ ܠܕܪܵܝܵܐ ܩܵܠܵܐ ܒܐܘܼܪܚܵܐ ܕܒܲܪܝܼܕܵܐ ܘܡܲܕܥܸܪܝܼܬܘܿܢ ܠܗܘܿܢ ܘܲܪܵܩܹܐ ܡܸܠܝܹܐ ܕܓܲܒܵܝܵܬܹܐ ܠܫܲܘܦܵܐ ܒܘܼܫ ܩܘܼܪܒܵܐ ܕܡܲܕܥܵܪܬܵܐ ܕܘܲܪܵܩܹܐ ܕܠܒܼܲܕܲܪ ܡܼܢ ܐܲܬܪܵܐ.
ܩܸܢܛܪܘܿܢܹܐ ܕܕܪܵܝܬܵܐ ܕܩܵܠܵܐ ܕܒܹܝܠ ܐܘܼܚܕܵܢܵܐ ܘܫܲܘܦܹܐ ܕܡܲܕܥܵܪܬܵܐ ܕܘܲܪܵܩܹܐ ܕܠܒܼܲܕܲܪ ܡܼܢ ܐܲܬܪܵܐ ܝܼܢܵܐ ܐܲܚܟ̰ܝܼ ܦܬܝܼܚܹܐ ܒܥܸܕܵܢܵܬܹܐ ܕܣܵܥܲܬܹܐ ܕܦܘܼܠܚܵܢܵܐ. ܠܲܝܬ ܕܪܵܝܬܵܐ ܕܩܵܠܵܐ ܒܝܵܘܡܵܐ ܕܓܲܒܵܝܵܬܹܐ (ܫܲܒܬܵܐ، 28 ܬܸܫܪܝܼܢ ܬܪܲܝܵܢܵܐ) ܓܵܘ ܐܲܝܢܝܼ ܩܸܢܛܪܘܿܢܹܐ ܕܕܪܵܝܬܵܐ ܕܩܵܠܵܐ ܕܒܹܝܠ ܐܘܼܚܕܵܢܵܐ ܝܲܢ ܫܲܘܦܵܐ ܕܡܲܕܥܵܪܬܵܐ ܕܘܲܪܵܩܹܐ ܕܠܒܼܲܕܲܪ ܡܼܢ ܐܲܬܪܵܐ.
ܡܲܕܸܥܡܘܼܢ ܠܲܢ ܕܐܲܚܬܘܿܢ ܠܵܐ ܒܸܕ ܗܵܘܝܼܬܘܿܢ ܗܕܝܼܪܹܐ
ܐܸܢ ܐܲܚܬܘܿܢ ܠܵܐ ܒܸܕ ܗܵܘܝܼܬܘܿܢ ܗܕܝܼܪܹܐ ܓܵܘ ܒܼܸܟܬܘܿܪܝܵܐ ܒܹܝܠ ܐܲܪܒܲܥܒܫܲܒܵܐ 18 ܬܸܫܪܝܼܢ ܬܪܲܝܵܢܵܐ ܘܫܲܒܬܵܐ 28 ܬܸܫܪܝܼܢ ܬܪܲܝܵܢܵܐ، ܘܐܲܚܬܘܿܢ ܠܵܐ ܡܵܨܝܼܬܘܿܢ ܕܵܪܝܼܬܘܿܢ ܩܵܠܵܐ ܡܼܢ ܩܵܕ݇ܡ ܥܸܕܵܢܵܐ ܝܲܢ ܒܐܘܼܪܚܵܐ ܕܒܲܪܝܼܕܵܐ، ܐܲܚܬܘܿܢ ܡܵܨܝܼܬܘܿܢ ܡܲܕܸܥܝܼܬܘܿܢ ܠܲܢ ܡܼܢ ܩܵܕ݇ܡ ܕܐܵܙܠ݇ܝܼܬܘܿܢ.
ܐܝܼܬ 3 ܓܘܼܒܵܝܹܐ ܩܵܐ ܕܡܲܕܸܥܝܼܬܘܿܢ ܠܲܢ:
- ܡܲܚܒܸܪܘܼܢ ܡܸܢܝܵܢܵܐ >03 9209 0160 ܠܗܲܡܙܘܼܡܹܐ ܥܲܡܲܢ ܥܲܡ ܚܲܕ ܬܲܪܓܡܵܢܵܐ
- ܡܲܦܠܸܚܘܼܢ check my enrolment (ܣܲܚܒܸܪܘܼܢ ܠܡܲܟܬܵܒܼܬܵܐ ܕܫܸܡܝܼ) ܠܡܠܵܝܵܐ away from Victoria form (ܦ̮ܘܿܪܡ ܕܪܸܚܩܵܐ ܡܼܢ ܒܼܸܟܬܘܿܪܝܵܐ) (ܒܠܸܫܵܢܵܐ ܐܸܢܓܠܸܣܢܵܝܵܐ)
- ܐܸܢ ܐܲܚܬܘܿܢ ܒܸܕ ܗܵܘܝܼܬܘܿܢ ܒܹܝܠ ܐܘܼܚܕܵܢܵܐ ܝܲܢ ܠܒܼܲܕܲܪ ܡܼܢ ܐܲܬܪܵܐ ܙܲܒܼܢܵܢܵܐܝܼܬ ܝܲܢ ܩܵܐ ܚܲܕ ܡܸܬܚܵܐ ܕܥܸܕܵܢܵܐ ܠܵܐ ܝܕܝܼܥܵܐ، ܐܲܚܬܘܿܢ ܡܵܨܝܼܬܘܿܢ ܡܵܠܝܼܬܘܿܢ ܚܲܕ ܦ̮ܘܿܪܡ ܕܡܲܕܸܥܬܵܐ ܕܠܒܼܲܕܲܪ ܡܼܢ ܐܲܬܪܵܐ (ܒܠܸܫܵܢܵܐ ܐܸܢܓܠܸܣܢܵܝܵܐ) ܒܐܘܼܪܚܵܐ ܕ AEC.
VoterAlert (ܙܘܼܗܵܪܵܐ ܕܕܵܪܝܵܢܵܐ ܕܩܵܠܵܐ)
VoterAlert ܝܼܠܵܗܿ ܚܕܵܐ SMS (ܚܸܠܡܲܬ ܕܐܸܓܲܪܬܵܐ ܬܹܠܹܦ̮ܘܿܢܵܝܬܵܐ ܟܪܝܼܬܵܐ) ܡܲܓܵܢܵܝܬܵܐ ܘܚܸܠܡܲܬ ܡܲܕܟܼܸܪܵܢܬܵܐ ܕܐܝܼܡܵܝܠ ܕܓܲܒܵܝܵܬܹܐ. ܐܲܚܬܘܿܢ ܡܵܨܝܼܬܘܿܢ ܕܩܵܢܝܼܬܘܿܢ ܚܲܕܲܬܝܵܬܹܐ ܕܓܲܒܵܝܵܬܹܐ ܘܡܲܕܟܼܸܪܵܢܹܐ ܕܕܪܵܝܬܵܐ ܕܩܵܠܵܐ (ܒܠܸܫܵܢܵܐ ܐܸܢܓܠܸܣܢܵܝܵܐ).
ܡܵܢܝܼ ܝܢܵܐ ܐ݇ܢܵܫܹܐ ܕܒܸܟܠܵܝܵܐ ܝܢܵܐ ܩܵܐ ܓܲܒܵܝܵܬܹܐ
ܐܲܚܬܘܿܢ ܡܵܨܝܼܬܘܿܢ ܚܵܙܝܼܬܘܿܢ ܠܗܘܿܢ ܐ݇ܢܵܫܹܐ ܕܒܸܟܠܵܝܵܐ ܝܢܵܐ ܩܵܐ ܓܲܒܵܝܵܬܹܐ ܓܵܘ ܦܢܝܼܬܵܘܟܼܘܿܢ ܡܼܢ ܐܲܪܒܲܥܒܫܲܒܵܐ 4 ܬܸܫܪܝܼܢ ܬܪܲܝܵܢܵܐ (ܒܠܸܫܵܢܵܐ ܐܸܢܓܠܸܣܢܵܝܵܐ).
ܟܠܵܝܬܵܐ ܩܵܐ ܓܲܒܵܝܵܬܹܐ
ܐܸܢ ܐܲܚܬܘܿܢ ܡܲܚܘܼܒܹܐ ܝܬܘܿܢ ܕܟܵܠܝܼܬܘܿܢ ܩܵܐ ܓܲܒܵܝܵܬܹܐ، ܓܵܪܸܓ ܡܲܚܫܸܚܝܼܬܘܿܢ ܠܵܗܿ ܓܵܢܵܘܟܼܘܿܢ.
ܡܲܚܫܲܚܝܵܬܹܐ ܠܟܠܵܝܬܵܐ ܩܵܐ ܓܲܒܵܝܵܬܹܐ ܦܬܵܚܵܐ ܝܢܵܐ ܐܲܪܒܲܥܒܫܲܒܵܐ 4 ܬܸܫܪܝܼܢ ܬܪܲܝܵܢܵܐ ܘܒܸܕܒܼܵܪܵܐ ܝܢܵܐ ܣܵܥܲܬ 12 ܟܵܘܸܬܪܵܐ ܬܪܹܝܢܒܫܲܒܵܐ 9 ܬܸܫܪܝܼܢ ܬܪܲܝܵܢܵܐ:
ܡܲܫܟܚܘܼܢ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ ܒܘܼܬ ܟܠܵܝܬܵܐ ܩܵܐ ܓܲܒܵܝܵܬܹܐ (ܒܠܸܫܵܢܵܐ ܐܸܢܓܠܸܣܢܵܝܵܐ)
ܓܠܵܝܬܵܐ ܕܚܕܵܐ ܕܒܼܵܚܬܵܐ
ܐܲܝܢܝܼ ܒܲܪܐܲܬܪܵܐ ܐܘܿܣܬܪܵܠܵܝܵܐ، ܥܵܡܪܵܢܵܐ ܐܘܿܣܬܪܵܠܵܝܵܐ، ܘܐܲܝܢܝܼ ܫܘܼܬܐܵܣܵܐ ܕܐܝܼܬܠܹܗ ܚܲܕ ܡܸܢܝܵܢܵܐ ܠܚܝܼܡܵܐ ܕܒܸܣܢܝܼܣ ܡܵܨܹܐ ܥܵܒܼܹܕ ܕܒܼܵܚܝܵܬܹܐ ܦܘܿܠܝܼܛܝܼܩܵܝܹܐ ܓܵܘ ܒܼܸܟܬܘܿܪܝܵܐ. ܡܸܢܝܵܢܹܐ ܠܚܝܼܡܹܐ ܕܒܸܣܢܝܼܣ ܝܼܢܵܐ
:- ܚܲܕ ܡܸܢܝܵܢܵܐ ܕܒܸܣܢܝܼܣ ܐܘܿܣܬܪܵܠܵܝܵܐ (ABN)
- ܚܲܕ ܡܸܢܝܵܢܵܐ ܕܫܲܪܝܼܟܘܼܬܵܐ ܐܘܿܣܬܪܵܠܵܝܬܵܐ (ACN).
ܚܲܕ ܕܵܒܼܚܵܢܵܐ ܠܵܐ ܡܵܨܹܐ ܕܕܵܒܼܹܚ ܙܵܘܕܵܐ ܡܼܢ $5,190 ܩܵܐ ܚܲܕ ܩܲܒܠܵܢܵܐ ܒܹܝܠ 15 ܢܝܼܣܵܢ ܘ 28 ܬܸܫܪܝܼܢ ܬܪܲܝܵܢܵܐ 2026. ܐܸܢ ܐܲܚܬܘܿܢ ܥܵܒܼܕܝܼܬܘܿܢ ܝܲܢ ܩܲܒܠܝܼܬܘܿܢ ܚܕܵܐ ܕܒܼܵܚܬܵܐ ܦܘܿܠܝܼܛܝܼܩܵܝܬܵܐ ܒܛܝܼܡܵܐ ܕ $1,290 ܝܲܢ ܒܘܼܫ ܙܵܘܕܵܐ، ܓܵܪܼܓ ܐܲܚܬܘܿܢ ܓܵܠܝܼܬܘܿܢ ܠܵܗܿ ܒܡܲܦܠܲܚܬܵܐ ܕܛܲܟܼܣܲܢ ܐܸܠܸܟܬܪܘܿܢܵܝܵܐ ܕܓܠܵܝܵܬܹܐ VEC . ܐܲܚܬܘܿܢ ܓܵܪܸܓ ܥܵܒܼܕܝܼܬܘܿܢ ܠܵܗܿ ܐܲܝܵܐ ܓܠܵܝܬܵܐ ܓܵܘ ܡܸܬܚܵܐ ܕ 21 ܝܵܘܡܵܢܹܐ ܡܼܢ ܕܒܼܵܚܬܵܐ. ܐܸܢ ܐܲܚܬܘܿܢ ܥܒܼܝܼܕܠܵܘܟܼܘܿܢ ܬܪܹܝܢ ܕܒܼܵܚܝܵܬܹܐ ܝܲܢ ܒܘܼܫ ܙܵܘܕܵܐ ܒܛܝܼܡܵܐ ܕ $1,290 ܝܲܢ ܒܘܼܫ ܙܵܘܕܵܐ ܐܲܚܬܘܿܢ ܓܵܪܸܓ ܓܵܠܝܼܬܘܿܢ ܠܵܗܿ ܟܠ ܚܕܵܐ ܕܒܼܵܚܬܵܐ.
ܓܠܵܝܬܵܐ ܕܚܕܵܐ ܕܒܼܵܚܬܵܐ ܦܘܿܠܝܼܛܝܼܩܵܝܬܵܐ
ܩܪܹܝܡܘܼܢ ܒܘܼܫ ܙܵܘܕܵܐ ܒܘܼܬ ܕܒܼܵܚܝܵܬܹܐ ܦܘܿܠܝܼܛܝܼܩܵܝܹܐ (ܒܠܸܫܵܢܵܐ ܐܸܢܓܠܸܣܢܵܝܵܐ)
ܡܘܿܕܝܼ ܒܸܕ ܗܵܘܹܐ ܐܸܢ ܐܲܚܬܘܿܢ ܠܵܐ ܕܵܪܝܼܬܘܿܢ ܩܵܠܵܐ؟
ܐܸܢ ܐܲܚܢܲܢ ܠܵܐ ܗܵܘܹܐܠܲܢ ܚܲܕ ܣܸܓܼܠܵܐ ܕܕܝܼܵܘܟܼܘܿܢ ܕܐܲܚܬܘܿܢ ܒܸܕܪܵܝܵܐ ܩܵܠܵܐ، ܐܲܚܢܲܢ ܒܸܕ ܫܲܕܪܲܚ ܠܵܘܟܼܘܿܢ ܚܕܵܐ ܐܸܓܲܪܬܵܐ ܒܲܩܪܲܚ ܠܵܘܟܼܘܿܢ ܓܵܘܘܿܗܿ ܕܐܸܢ ܐܲܚܬܘܿܢ ܕܪܹܐܠܵܘܟܼܘܿܢ ܩܵܠܵܘܟܼܘܿܢ.
- ܐܸܢ ܐܲܚܬܘܿܢ ܕܪܹܐܠܵܘܟܼܘܿܢ ܩܵܠܵܘܟܼܘܿܢ، ܡܲܕܸܥܡܘܼܢ ܠܲܢ ܐܲܝܟܵܐ ܕܪܹܐܠܵܘܟܼܘܿܢ ܩܵܠܵܘܟܼܘܿܢ ܩܵܐ ܕܐܲܚܢܲܢ ܨܲܚܨܸܝܲܚ ܠܣܸܓܼܠܹܐ ܕܕܝܼܲܢ.
- ܐܸܢ ܐܲܚܬܘܿܢ ܠܵܐ ܝܬܘܿܢ ܕܸܪܝܹܐ ܩܵܠܵܘܟܼܘܿܢ، ܡܲܕܸܥܡܘܼܢ ܠܲܢ ܒܘܼܬ ܣܲܒܵܒ ܕܕܝܼܵܘܟܼܘܿܢ.
ܐܲܚܬܘܿܢ ܡܵܨܝܼܬܘܿܢ ܓ̰ܲܘܸܒܝܼܬܘܿܢ ܠܐܲܝܵܐ ܡܲܕܟܼܵܪܬܵܐ ܥܲܠ ܐܸܢܬܸܪܢܸܬ، ܒܫܲܕܲܪܬܵܐ ܕܚܕܵܐ ܐܸܓܲܪܬܵܐ ܝܲܢ ܚܲܕ ܐܝܼܡܵܝܠ.
ܐܸܢ ܐܲܚܬܘܿܢ ܠܵܐ ܓ̰ܲܘܸܒܝܼܬܘܿܢ، ܝܲܢ ܐܲܚܬܘܿܢ ܠܲܝܬܠܵܘܟܼܘܿܢ ܚܲܕ ܣܲܒܵܒ ܪܘܼܫܡܵܝܵܐ ܩܵܐ ܠܵܐ ܕܪܵܝܬܵܐ ܕܩܵܠܵܐ، ܒܲܠܟܵܐ ܦܵܪܥܝܼܬܘܿܢ ܚܕܵܐ ܓ̰ܸܙܵܐ ܒܛܝܼܡܵܐ ܕ $105.
ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ
ܐܸܢ ܐܲܚܬܘܿܢ ܐܝܼܬܠܵܘܟܼܘܿܢ ܚܲܕ ܒܘܼܩܵܪܵܐ ܒܘܼܬ ܓܲܒܵܝܵܬܹܐ ܕܐܘܼܚܕܵܢܵܐ ܕܫܲܢ݇ܬܵܐ ܕ 2026، ܡܲܚܒܸܪܘܼܢ >03 9209 0100 ܩܵܐ ܕܗܲܡܙܸܡܝܼܬܘܿܢ ܥܲܡܲܢ ܥܲܡ ܚܲܕ ܬܲܪܓܡܵܢܵܐ.